सोसायटीच्या सेक्रेटरीविरुद्ध ग्राहक संरक्षण कायद्यानुसार तक्रार नोंदाविण्याविषयी विचारणा

महोदय,
उपरोक्त विषयानुसार मी निवासी सभासद असलेल्या निशांत सोसायटीच्या सेक्रेटरींविरुद्ध ग्राहक संरक्षण कायद्यांतर्गत खालीलप्रमाणे तक्रारी नोंदवू इच्छितो.

१) माझ्या पत्रांना उत्तर न देणे व त्यात मागितलेला तपशील/कागदपत्रे सादर न करणे.
२) पोचपावती मिळाल्यानंतर देखभाल खर्चाच्या बिलावर दंड आकारणे.
३) सोसायटीच्या इमारती व परिसराची देखभाल न ठेवणे. ६ वर्षे (जानेवारी २००५- ऑगस्ट २०१०) रुपये २/- प्रती चौरस फूट दराने इमारतींच्या मुख्ख्य दुरुस्त्यांसाठी सर्व सभासदांकडून जादा आकारणी करून कोणत्याही दुरुस्त्या न करणे.
४) २००५-०६ ते २००८-०९ या ४ वर्षांचे आर्थिक अहवाल २-४ वर्षे उशिरा (एप्रिल २०१० मद्ध्ये) व वार्षिक सभेत संमत न करताच सभासदांना देणे.

वरीलप्रमाणे तक्रारी दाखल करण्याच्या कार्यपद्धतीविषयी आपण मला अवगत करावे.

माननीयास विदित व्हावे.

आपला नम्र,

जयंत रा.दातार